Myndir danadruslunnar

Það er allt að gerast.....

2007-02-11T16:25:00.000+01:00

Það er svaka stuð á dýrunum, ég held bara að ég búi of smátt. Þeir eru búnir að leggja rúmið mitt undir sig. Ég held bara að þau séu alveg að verða rosalega góðir vinir, hann er allavega hættur að gogga í hana, (í bili). hi hi hi

Tilhugalíf á KK 35

2007-02-10T17:54:00.000+01:00

Í gær plataði ég Ástu vinkonu með mer í ZOO CITY. Mig langaði svo að kíkja á páfagaukana, langaði svo að kaupa annan fugl (konu) handa Glúm. Ég er sko mikið búin að vera að spá í þetta undanfarna mánuði. Glúmur er búinn að vera svo háfaðasamur undanfarið að það hefur ekki verið hægt að vera heima. Ég fór sem sagt í gær, og talaði lengi við afgreiðslu konuna, sem virtist vita allt um páfagauka. Eftir að hafa rokkað fram og til baka með það hvað ég ætti að gera, sagði hún við mig, að hann væri bara að kalla á mig, því ég væri hans “partner”, þá varð ég fljót að ákveða mig og valdi eina konu handa honum.

Þegar við komum heim skellti ég henni í gamla búrið, vildi ekki setja þau strax saman. Hún var frekar óróleg í gærkvöldi og í nótt, og ég hélt hreinlega að ég hafi valið geðveikann fugl, en svo eftir mikil köll og læti í morgun, hleifti ég henni út, og hún flaug nokkra hringi og settist svo á mynd á veggnum, og fikraði sig hægt og rólega að Glúm, sem sat og var að naga orðabækurnar, eins og vanalega. Eftir því sem hún kom nær honum spertist hún öll upp, og hann setti bara vængina hálfa leið upp og snéri rassinum í hana, og ýtti henni út af. En svo urðu þau nú vinir. Stuttu seinna fór hann svo inn í búrið sitt, nennti þessu nú ekki lengur. Viti menn, hún var sko ekki lengi að elta hann, og bauð sér sjálf inn. Ég held að hún sé flutt inn. Hi hi hi hi hi hi....

Nú er bara spurning hvað hún á að heita, ég verð að sofa á því í nótt.

P.S. Inga, ég hlakka til að fá þig í heimsókn.....

Nokkra mánaða blogg.

2007-01-21T16:59:00.000+01:00

Það er mikið búið að gerast síðan ég bloggaði síðast. Kanski vegna þess að ég er ekki búin að blogga í hálft ár. Taka 2, kanski tekst mér betur upp núna að halda þessari síðu úti.

Ég fór semsagt til íslands í október, og var í eina viku. Það var bara fínt, komast til mömmu og pabba, í skorrann og hitta fólk, og ekki síst hana Gabý mína, sem ég sá í síðasta skifti þegar ég kvaddi hana áður en ég kom heim til DK aftur.

Haustið leið fljótt, það var gott veður fram eftir öllu, og ég og Inga náðum að fíflast alveg helling saman. Það er ekkert smá gott að hafa fjölskylduna á KK 6 hérna í næsta húsi.

Ég fór í dagsferð með Rakel til Nordborg og Gråsten, hún var að fara í viðtal hjá Danfoss, og ég fór bara á rúntinn á meðan, og tók myndir. Það var ekkert smá gaman, ég held varla að ég hafi hlegið eins mikið á einum degi og þá. Ég og Rakel getum verið hættulega vitlausar þegar við erum saman.

Síðan fór ég til Pólands í Desember með Ástu vinkonu og mömmu hennar. Við silgdum yfir, fórum héðan á miðvikudagskvöldi, og vorum komnar til Swinoujscie á fimmtudagsmorgni, alveg skelþunnar eftir djammið á Pomerania. Það var djö.... gaman að djamma með pólverjunum, þeir voru svo hrifnir af mér að þeir slógust um að fá að bjóða í glas, og úthaldið maður, allt í einu var klukkan orðin 4:30, og ég á varadekkinu, og þurfti svo að vakna kl 7:00 til að koma mér á fast land. Það virkaði reyndar ekki eins og fast land, ég var með svo mikla sjóriðu, að ég þurfti að halda mér í allt, þegar ég labbaði um. Við vorum semsagt allan fimmtudaginn í Pólandi, silgdum síðan af stað aftur heim á fimmtudagskvöldið og vorum komnar til DK á föstudagsmorguninn. Ég var alveg búin á því eftir ferðina, ég var heila viku að jafna mig.

Síðan komu Jólin, og ég var auðvitað með Adda og Ingu á KK 6, þar sem ég fór ekki heim þessi jólin. Voða skrítið að vera ekki hjá mömmu og pabba, en það var samt rosalega gott að vera hjá Adda og Ingu. Vid elduðum hamborgarahrygg, sem þau hjónin fengu hjá slátraranum. Ég held bara að þetta hafi verið sá besti sem ég hef fengið. Ég fékk fullt af flottum pökkum, og auðvitað var ég ánægð með allt saman.

Milli jóla og nýárs fórum við í jólatívoli, það var rosalega gaman, Unnar og Eva fóru í fullt af tækjum. Við vorum orðin ekkert smá loppin þegar við komum heim að við fengum okkur heitt súkkulaði, og flatkökur með hangikjöti. mmmmm bara gott.

Svo komu áramótin, þá var ég aftur með Adda og Ingu, í þetta skiftið var eldaður íslenskur lamba hryggur. Við rétt náðum að kingja síðasta bitunum áður en við fórum á brennuna, mér fannst bara vera vel mætt þar. Rétt náðum að henda í okkur einum Mohito áður en við fórum út að sprengja kl 24:00. Síðan var maður bara á barnum og í partýum fram eftir nóttu.

Nýja árið hefur verið frekar rólegt bara, ekkert sérstakt að gerast.
Er að fara yfir á 6 að borða pasta og horfa á "Forbrydelser" nýju dönsku seríuna á DR1 sem við erum að fylgjast með.

Bless í bili
Arnheiður

Pinse Helgin

2006-06-05T21:39:00.000+02:00

Pinse helgin var löng og skemmtinleg. Á föstudagskvöld fórum við, ég, Hanna Sif, Rakel, Jóhanna og Hörður á sjá Da Vinci Lykilinn. Mér fannst hún góð, og það var kanski vegna þess að ég náði ekki að lesa bókina áður en við fórum. Ég hafði ekkert að bera við, og hún kom mér sífellt á óvart.

Á laugadags kvöldið fórum við 9 saman út að borða á kínverskum veitingastað niður í bæ. Það var líka gaman og var mikið drukkið. Hálf tíma áður en að við áttum að yfirgefa staðinn, var komið með reikninginn og okkur sagt að við hefðum bara 10 min. eftir. Auðvitað var ég send af stað til að tala við þjóninn, hún stóð statt og stöðugt á því að þau lokuðu kl 23;10 en ég sagði við hana að það stæði til kl 23:30 á skiltinu niðri, en hún sagði bara "nú" og setti upp svip, þá notaði ég það á hana að ég hafi nú oft komið þangað áður, og að þá hefðum við verið til kl 23;30..... hún sagðist alveg vita það, HÚN MUNDI EFTIR MÉR, OBOJ, þá lét ég mig bara hverfa, og sætti mig við það að við fengjum ekki fullan tíma. Það var svo sem allt í lagi, þeir sem voru að drekka, voru líka orðnir frekar skrautlegir.

Á sunnudeginum fór ég í bíla viðgerðir með Rakel. Við, eða meira Rakel (ég var aðstoðar maður með timburmenn) skiftum um bremsuborða báðum megin að aftan. Tók smá tíma að fynna út úr þessu, en þetta tókst á endanum, og við vorum svo skotfljótar að skifta um hinum megin. En það stóð í bókinni að maður ætti að tékka á því hvort litla dælan með bremsuvökvanum læki nokkuð, svo auðvitað gerði Rakel það, og hún opnaðist og þar með komst loft inn á kerfið. Þegar við síðan ætluðum að fara að tappa loftinu af, brotnaði pinninn af sem átti að snúa, svo við þurftum að skifta um sjálfa dæluna, allt í lagi með það, sáum fyrir okkur svona ca klukkutíma vinnu í viðbót. EEEENNNNN NEI, það er ekki hægt að ná dælunni af, þannig að það endar með því að það þarf að fá kranabíl og draga bílinn á verkstæði. Þar fór allur sparnaðurinn.

Í dag byrjaði ég á því að fara í brunch til Jóhönnu, fékk æðislega grænmetis súpu. Nóg með það, síðan byrjaði þessi rosalega rigning, með þrumum og látum, svo kom haglél og aftur rigning og ég hélt að þetta ætlaði engann endir að taka. Endirinn kom svo, og Loki sonur hennar Jóhönnu fór að leika sér í vatninu fyrir utan, og auðvitað þurfti fullorðna fólkið aðeins að taka þátt í því. Það var gaman, en það var líka kalt.

Dagurinn í dag endaði síðan með því að ég, Jóhanna og Loki fórum í hjólatúr í Smøre mosen, og kíktum á gæsirnar og alla sætu ungana þeirra.

Hafið það gott þangað til næst
Arnheiður

Eurovision..... WE ARE THE WINNERS.......

2006-05-21T03:58:00.000+02:00

Finnar unnu Eurovision, sem er bara frábært mál, þeir eru búnir að vera á botninum frá því að þeir byrjuðu að taka þátt í Eurovision, svo þeir áttu þetta alveg skilið. Þeir bustuðu kepnina....... Bara Sæ.....

En þeir sem mér fannst bestir eru 6 flottir kallar frá Litháen. WE ARE THE WINNERS.... Þeir voru flottastir að mínu mati, og allra sem voru í sama eurovision party og ég. Við erum búin að vera að garga"WE ARE THE WINNERS" í allt kvöld.

Ég veit ekki hvað ég á að segja ykkur meira, annað en það að við "íslendingar" erum svoldið mikið búin að fá að heyra hvað Silvía Nótt hafi verið glötuð. Ég fékk að heyra í vinnunni á föstudaginn, að þetta hafi verið það versta sem hefur sést í Eurovision. Að nokkru leiti er ég sammála dönunum, því Silvía hagaði sér nú alveg eins og hálfviti. En mér fannst samt ömurlegt að hún hafi verið púuð niður.

Æi hvað þeir eru sætir

2006-05-06T01:28:00.000+02:00

Þetta er bara það sætasta sem ég hef séð. En samt eru þeir alveg hræðilega ljótir greyin. Þessir ungar búa í garðinum hjá Evu vinkonu, ef maður hristir aðeins hekkið þá halda þeir að mamma sé að koma með mat, og fara að gapa, algjör synd að vera að plata þá, en þetta er bara svo sætt.

Seinbúinn Páskamatur.

2006-05-01T19:43:00.000+02:00

Loksins loksins fór ég í heimsókn niður á Sydhavn. Það er orðið svoldið mikið langt síðan ég fór þangað síðast. Ég ætlaði að borða með þeim um páskana, en ég var lasin og komst ekki. Svo það var seinbúinn páskamatur í gær. mmmmmmmm ekkert smá gott. Lilja er algjör snilldar kokkur. Hún eldaði lambalæri frá nýja sjálandi á alveg snilldarlega góðan máta með öllu tilheyrandi.
Ég smakkaði sykrað hvítkál í fyrsta skifti í gær. Kiddi var ekkert smá hneigslaður á mér, reyndar þrættum við lengi um það hvort ég hafi smakkað þetta áður, hann sagði bara "víst, þú hefur fengið þetta inni á Bugðulæk hjá Ömmu og Afa". Kiddi var að drepast í bakinu, og það var ekkert annað fyrir hann en að skella nokkrum öl í kroppinn til að liðka hann. Á endanum vorum við frændsystikinin orðin pínu kend, og sátum og vorum að borða olivur af bestu list. Lilja hló bara af vitleysunni í okkur.

Rosa fínt kvöld, vel hepnað og góður matur :o)

Madonna!

2006-04-29T23:42:00.000+02:00

Pælið í því hvað maður getur verið "sikk" Við Jóhanna vinkona fórum á fætur kl 04:00 síðast liðnu nótt, til að standa (eða sitja) í röð fyrir að vera öruggar um að fá miða á Madonnu tónleikana. Þegar við komum á staðinn kl ca. 04:30 voru þrír á undan okkur sem voru búin að bíða síðan kl 02:00. Eftir að við komum fór fólk að tínast að, og það fór að myndast stemning í liðinu. Kl. 07:30 var sentrið opnað, så vi kunne komme ind i varmen :o) Jóhanna þurfti reyndar að fara kl 07:00 því hún var að fara að vinna. Ég las bara í slúðurblöðunum eftir að hún var farin. Eins og sést á myndunum, vorum við svoldið mikið klæddar, maður er helmingi breiðari en vanalega. Við fengum sem sagt miða kl 9:30, og það var frekar góð tilfynning að komast heim og leggjast í hlítt rúmið. Það sem maður leggur ekki á sig til að fá miða.

Bara 365 dagar í fertugsaldurinn.........

2006-04-25T17:26:00.000+02:00

Kl. 22:21 á íslenskum tíma verð ég orðin 29 ára, og bara ár í fertugsaldurinn. Enn sem komið er, er ég búin að hafa það gott í dag. Ég svaf lengi og mætti ekki fyrr en kl 13 í vinnuna. Það er búið að vera svo gott veður í dag, að við vorum úti með krakkana.

Það er svo langt síðan ég hef skrifað, að ég hef ekkert sagt ykkur frá því hvernig þetta endaði með svefnaðstöðuna mína. Ég er búin að fá mér þetta fína rúm, ég fann það á "blå avis" Ég fékk það frítt. Fólkið sem átti það vildi ekki fá neitt fyrir það, vildu bara ekki henda því, því það er bara eins og hálfs árs og enn í mjög góðu standi. Ég var auðvitað mjög ánægð með þetta. Við vinkonurnar skelltum kerru aftan í bílinn hennar Evu og sóttum rúmið í Tåstrup.

Síðan aðeins frá helginni. Ég og Rakel, skiftum um olíu á bílnum hennar og Hönnu. Við vorum með "gør det selv" bók, sem var með allar leiðbeiningar frá A til Ö. Þetta gékk alveg eins og í sögu, og við fengum mikla athygli frá öllum á kollegiinu.

Framhald af rúmapælingum.

2006-04-19T11:30:00.000+02:00

Ég svaf eins og engill á litlu dýnunni sem ég fékk lánaða hjá Rakel og Hönnu Sif. Sófinn fékk frí í nótt. Ég er bara ekkert viss um að ég þurfi neitt rúm :o) nei, bara djók, en samt, þetta var bara rosalega "komfí"Vorið er loksins komið hérna í DK og það er 11 stiga hiti. Það var nú alveg kominn tími til. Laufin eru að byrja að brjótast út, og áður en að ég veit af verður komið sumar og sól. Ég er að hugsa um að taka mér góðann göngutúr í góða veðrinu í dag, og vonast til að það fari ekki að rigna rétt á meðan.

Ástsæll er ólatur maður.....

2006-04-18T23:40:00.000+02:00

Ástsæll er ólatur maður, svona hljómar málshátturinn minn í ár. Ekki varð mikið úr því að ég gerði mér neitt til dægra styttinga um páskana, annað en að sofa. Ég er búin að vera lasin alla páskana. Ég gaf eftir í dag og fór til læknins og ég er sem sagt með "streftakokkasíkingu" Þetta er í annað sinn sem ég fæ streftakokka og í bæði skifti yfir páska. Þetta virðist ætla að vera einhver páskaveikindi hjá mér, svona einskona páskahret. Allavega, eftir að hafa legið í rúminu næstum því alla páskana, fékk ég ógeð á rúminu mínu, og viðurkendi það fyrir sjálfri mér að það væri búið að gera sitt, henti ég því á haugana. Rakel vinkona er svo andskoti sterk og hún hjálpaði mér með það út í ruslagám. Síðan var farið að spá í það á hverju ég ætti nú að sofa þangað til ég fengi mér nýtt rúm. Rakel og Hanna Sif lánuðu mér litla dýnu. Þá kom Jóhanna vinkona og sagði, " nei hvur andskotinn" þú sefur sko ekki á þessu, og lánaði mér RISA stóra sjálfuppblásna vindsæng ef það er hægt að kalla það, það. Mér leist rosalega vel á þetta hjá henni og hlakkaði til að fara að sofa. Lagðist síðan upp í og það vor rosalega þæginlegt að liggja í þessu á bakinu, en ef ég ætlaði að fara að snúa mér á magann eins og ég geri alltaf, þá sporreystist ég og var með lappirnar upp í loft, gafst fljótlega upp á þessu og skellti mér í sófann. Núna er ég sem sagt búin að búa um mig á litlu dýnunni sem ég fékk lánaða hjá Rakel og Hönnu Sif, og hlakka aftur til að fara að sofa. Það verður spennandi að vita hvort ég held út nóttina, eða hvort sófinn fái að njóta sín aftur í nótt.

Ég læt fylgja eina mynd með af því eina viturlega sem ég gerði um páskana. Ég, Rakel og Lúlli fórum aðeins að viðra okkur í Dyrehaven á páskadag. Stuttur, en góður göngutúr í þessu líka fína veðri.

Hárið varð eftir í garðinum hjá Rakel og Hönnu Sif

2006-04-13T23:54:00.000+02:00

Eins og sést á fyrri myndum (af Glúmi og mér) þá er hárið farið. Ég, Rakel og Hanna Sif vorum með litunnardag. Við gerðum smá tilraun með hárið á mér og það varð svo hræðilega ljótt að við ákváðum að gera ekki einfalda hluti flókna og ákváðum þá bara að klippa hárið. En þar sem Rakel kunni ekki að klippa, heldur raka, voru rúninga klippurnar sóttar :o) Ég er bara nokkuð ánægð með þetta, og þarf ekkert að hafa fyrir hárinu, ekkert að þvo, þurrka né klína efnum í það. Fólk sem mætti mér á götu eða úti í búð fyrstu dagana fékk störu, því ég leit út eins og fölur krabbameins sjúklingur. Fólkið hefur eflaust hugsað, greyið þessi, en ég hef það bara svo gott :o)

Glúmur er taminn

2006-04-13T22:29:00.000+02:00

Stór stund á Kagså. Hann Glúmur fór í fyrsta skifti út úr búrinu sínu í kvöld (skírdag) Hann ákvað í tilefni af Páskunum að gleðja "mömmu" sína og breiða úr vængjum sínum. Flugið gékk vel, kanski svoldið betur en áætlað var, og furðu vel að koma honum inn í búrið aftur. Eftir að vera tekinn út úr búrinu og settur inn aftur þrisvar sinnum, varð hann fljótt þreittur, og sofnaði a nóinu þegar við (ég, Rakel og Lúlli) loksins létum hann vera. Eins og þið sjáið, þurfti Rakel að liggja ofan á Lúlla svo hann næði sér ekki í fuglasteik, það munaði mjóu í eitt skiftið og það heyrðist alveg "hhhaaabbbsss" þegar Lúlli skellti skoltinum saman :o)

Lönd sem ég hef komið til

2006-03-30T20:43:00.000+02:00

create your own visited country map
or check our Venice travel guide

Glúmur

2006-03-30T12:49:00.000+02:00

Þetta er Glúmur, nýjasti fjölskyldu meðlimurinn. Er hann ekki sætur? Hann er 5 mánaða, og er ekki taminn, svo ég hef nóg að gera á næstunni með að temja hann, hann bítur mig ennþá þegar ég sting puttanum inn í búrið hjá honum.

Er ég ekki sætust?

2006-01-05T23:50:00.000+01:00